DVB Viewer Plugin 插件應用及 DVBServer

NetStream Plugin

設定 NetStream 都相當簡單, 只要嚮 pull down menu 上面揀 Plugins > NetStream > Configure

基本上 tick 番 Active, 用Default 就可以, Interface 預設係 local loop 127.0.0.1, 可以嚮menu 揀你本身個 IP

另一個要set 就係呢個, tick o左 "Stream whole transponder" 之後, 嚮 player 先可以揀唔同 audio track 同 subtitle 字幕

VLC media player 作 client
試過好幾個 Video Player 都唔可以順利播到 DVB Viewer streams 出o黍o既片段, 但可以用一個免費o既 VLC media player 播放, VideoLAN 官方網為 : http://www.videolan.org/ 下載文件 vlc-0.9.2-win32.exe (13.81 MB)

嚮 File 揀 Open Network Stream

依據 DVB Viewer o既 settings, 填番相對o既 IP 同 port. 如果無改過 netstream settings o既話, port 係 2345

ATV 本港台 streaming 示範

不過由於 codec 問題, 唔係每個stream 出o黍o既台 vlc media player 都 player 到, 有時會出現有聲無畫情況

DVB Viewer 作 client
似乎用番 DVB Viewer 做 player 係最好, Client 機設定如下:

Hardware 裡面 Device 選取 "Unicast Network Device", Tuner type 揀 "Terrestrial", 而 State 則揀 "Preferred" (如果 client 部機有其他數碼電視接受設備, 請先將此類 device 為 " Do not use", 之後按 "Settings"

按 Settings 後進行 Network Settings, 基本上只需要設定中間紅線位置. Interface 係client 機o既 IP address, Address 係 Netstream server 果部主機o既 ip address, Server Port 則為 Netstream server o既 port

Netstream 主機可以 disable 畫面同聲音, 即係嚮主機唔顯示畫面同聲音, 只將data stream出去, 咁樣就可以慳番主機唔少o既資源

最後就係要 import 番個 channel list, 即同netstream 主機o既channel list 一樣, 咁就可以直接用 channel list 轉台 (限同一頻道). Client 播放 netstream 畫面. client 機可以自選 audio track, 字幕等 (網上有用家指 epg 都用到, 但筆者未能成功嚮 client 機用到 epg)

Video Recorder plugin 簡單進行兩台同錄

DVB Viewer 本身o既錄影只可以儲存成 .ts 格式, 而 Video Recoder 就可以比你揀如 .mpg / .ts / .pva, 又或者純錄聲音o既 .mp3 格式. 不過, 要兩台同錄o既話, 唔可以揀 .mpg, 而 .ts 就得

所謂兩台同錄, 條件係要兩個台要嚮同一條頻道上面, 即錄翡翠台同時, 可以同時錄明珠或本港又或國際台, 因為佢呢4個台嚮同一條發射頻道上面. 換句話說, 錄翡翠台就唔可以同時錄 J2 / 高清翡翠台, 諸如此類. 香港暫時13個台分成3個頻道, 可參照下面3張圖

錄完要播放的話, 當然可以嚮番 DVB Viewer 裡面放, 但係筆者嚮 DVB Viewer 搵唔到轉台o既選項, 下面只可以用 Media player classic 同 KMPlayer 作示範. KMPlayer 可以嚮 Filters 揀 Cyberlink Demux

之後就可以如下圖選唔同台

而 Media Player Classic 就仲簡單, menu 裡的 filters 一項可直接揀唔同台同唔同音軌. 注意一點係, 不論 KMPlayer 或 Media Player Classic 播由 DVB Viewer 錄出o黍o既片段都出唔到 subtitle 字幕

DVBViewer Pro Server

上文提到用 netstream plugin 提供 video streaming 比其他 client 播放, 其實 DVBViewer Pro 本身有一個好好o既純 streaming server, 叫 DVBViewer Pro Server. 如果 server 機本身唔需要睇, 只需要 stream 畫面出去, 就可以用呢個 server 去提供 streaming clip

運行 DVBServer, 示範版本為 3.9.4.0 , 先進行 Network settings, 如下圖所示: