青島遊
- 詳細內容
- 分類: 遊山玩水
- 發佈: 2009-11-03, 週二 11:51
- 點擊數: 3200
遊玩篇
由上海出發, 先坐地鐵去龍陽路地鐵站, 再轉磁浮火車. 本身50元的車票, 只要有當日坐飛機的相關資料, 就可以用40元坐到. 相關資料好似機票, 電子機票, 甚至電子機票的確認email 都得. 我就用一張打印出o黍的email, 果位賣飛哥哥根本睇都無睇, 誇張d 講, 你搵張白紙就咁摺埋佢就可以當係. 另外如果唔係搭早班機, 係完全唔會選擇坐磁浮火車, 唔方便, 而且十零廿蚊機場巴士都到, 唔使轉車
住o既就係呢條"中國國際葡萄酒街"裡面的 星程酒店
葡萄酒街入口一角
星程旁的"青島京劇院"
青島啤酒博物館入口
青島啤酒廠一角
啤酒街的渠蓋, 講真, 唔係咁靚, 影幾張算數
晚上的啤酒街, 算係嚮青島見到比較人多的地方
晚上嚮盞橋見到人放孔明燈, 不過聽到某d 小販講, 城管對放(賣)孔明燈捉得好緊
小青島
盞橋附近
好特別的三輪車, 據當地的的士司機講, 呢類車本身係比傷殘人士開的, 但有部份人會用o黍做的士
青島有很多德國的建築物, 青島火車站就很有格調
再來一次青島火車站
有一日嚮行海邊, 忽然間嚮一間餐廳見到呢兩位兄弟, 中國真的是很有特色社會主義的國家, 牠們竟然會出現於餐廳裡面, 保佑牠們不會比食吧!!!!
奧帆中心
不用介紹了, 像"神"一般的"棍"
oh, 好大一碌
五四廣場, 就係得呢個icon, 無其他o野.................
嚮五四廣場附近見到呢部"公共衛生間", 但係唔見有工作人員, 亦唔見有市民用. 又係一件浪費政府錢, 對人民無益的門面工程
康有為古居
第一 (二, 三??) 海浴場. 游水唔使錢, 但要用公共沖涼房就要比錢.......... 又一特色社會主義的見證, 乜都要收錢!!
重點行程, 上嶗山. 先嚮市區坐嶗山一日遊旅遊巴, 無奈地, 比足錢但佢會帶你去幾個特約點買o野, 如茶葉, 海鮮製品, 珍珠等. 你話免費車就算, 要比舊幾水仲要比佢帶你遊花園收回佣..................
收費陸續有來, 由嶗山山腳停車場, 要先轉小巴去吊車站, 每位15元. 小巴管理混亂, 令到有團友同其他團導遊吵大鍋. 由小巴站沿途上吊車站, 都係一條鋪得好靚o既路同一d 好人工化的石雕, 無意思!!!
山下的吊車站, 坐吊車每位又盛惠60大元
外國製吊車, 放心
坐吊車途中, 有風景就好睇喇............... 事關上到去就無o野好睇
山上吊車站回望
走o既係巨峰線, 落o左吊車後大概用45分鐘就可以上到峰頂. 本來上嶗山係我呢次青島行o既重頭戲, 可惜非常失望, 巨峰線所見到o既一d 都唔靚, 完全唔掂, o徒錢o徒時間. 老實講, 是旦嚮西貢搵條線, 都靚佢十倍. 我諗, 犯o左同一錯, 太人工化
先天橋, 快到峰頂了
從峰頂回望, 係一個休息處, 亦有一小店, 最有名的就係15元的康師傅即食麵!!!
oh, 最靘o既可能就係呢d 枯葉
堪山寺外面的小貓
中山公園一角
飲食篇
嚮盞橋附近見到的椰青, 5元, humm............ 好一般
嚮青島第一晚食o既海鮮, 係坐的士去盞橋果位司機介紹的, 明顯的, 係比較貴. 仲有一點比較重要, 師傅浪費o左d海鮮!!! 
當地叫的蝦虎, 即係我o地叫o既瀨尿蝦
唉, 醬爆花螺. 如果用辣酒煮就正晒喇.
某日嚮海邊搵食, 見到呢間食燒烤的, 就試試. 
最底果兩條"七味魚", 柴o黍o既, 根本食唔到. 其他燒烤就唔錯
唔記得呢個係乜名, 大概係粉皮之類, 味道可以
非常難忘o既幾個饅頭, 好硬, 比狗都唔食 (係真o既, 餐廳養o左一隻狗, 我比佢食, 佢so都唔so), 但我有食, 盡量地
上嶗山前, 導遊先帶我o地嚮山下食飯. 係自費的, 當然有理由相信佢o地又收回佣啦
因為太早, 都無乜胃口, 叫o左炒蜆同一個唔知乜鬼嶗山特色湯, pk, 係一個難飲o既紫菜湯.
臨離開青島嚮奧帆中心附近食多餐. 炒蛤蜊(蜆)
又見瀨尿蝦, 叫師傅比o左碟辣椒豉油, 好食好多. (要嚮青島拎一碟辣椒豉油都唔係咁簡單, 我諗佢o地係無呢樣o野. 呢碟係我講比師傅知我要嚮醬油裡面加辣椒粒. 不過最後師傅好心地將辣椒炒過, 加上熟油再加豉油先比我..........)
原汁煮蟹, 即係清蒸啦
燒餅, 味道唔錯
後記:
1. 青島人唔多, 就算十.一去到, 嚮街都見唔到好多人
2. 青島人都幾熱情, 尤其的士司機
3. 地方乾淨
4. 無塞車問題
5. 無地鐵, 但可能係青島唔係咁大, 不論坐巴士或者的士, 都方便
6. 食海鮮問師傅點整, 得到o既答案都係"原汁", 即就咁用水烚熟. 雖然新鮮o既海鮮咁食可以話係o岩, 但始終廣東多變化o既煮法比較o岩食
7. 對嶗山非常失望
8. 青島o既德國式建築唔錯