終於去台灣
- 詳細內容
- 分類: 遊山玩水
- 發佈: 2011-02-16, 週三 03:08
- 點擊數: 2665
一直想去台灣, 但係每次睇完機票+酒店價錢, 同去日本差唔多, 所以都係揀去日本.
今次公幹去台灣, 主要落台中, 順帶去見見舊同事. 對台中感覺唔錯, 可能因為似日本, 平靜, 乾淨, 平房較多. 以前台灣舊同事曾經批評過我無禮貌, 我終於明白, 因為台灣人真係比較有禮貌, 就算路邊小販, 餐廳仔嘅服務員, 都好有禮貌. 當你諗吓香港茶餐廳某d阿叔, 阿姐嘅態度, 台灣真係天堂.
公幹關係, 得一晚行夜市........ 影d 相又唔見晒!! 重新計劃去台灣租老電自駕遊.
補影o既相:
搭左三程高鐵- 桃園>台中; 台中>台北; 台北>桃園
舊同事帶咗去逢甲夜市, 試咗幾樣嘢:
大腸包小腸-本身兩條腸好食, 但係D配料就唔得喇
唔記得叫咩名, 算可以
另外仲有黑椒牛肉包, 無味; 台式奶茶. 好多人都話台灣D小食好正, 但依我試咗呢幾味, 只可以講唔啱我喇.
最尾一日飛返香港前, 朝早去台北:
西門町
有味廣告
藥材舖貓仔
台北永康街附近的一家牛肉麵, 老細話好食, 我就覺得同中環九記一樣- 不外如是!
都唔記得叫咗D乜喇:
