日本北海道富良野
- 詳細內容
- 分類: 遊山玩水
- 發佈: 2007-05-13, 週日 01:53
- 點擊數: 13704
晨早check-out, 拎埋行李走去 JR 站旁邊嘅巴士總站搭車去 富良野. 可能係淡季原因, 架車好小人. 搭巴士由札幌去 富良野 2200 日元, 比坐 jr 平成半, 而且唔使行來行去, 轉車, 又有位坐, 可以話平, 靚, 正. 全程大約兩個半鐘, 比坐 jr 慢半個鐘.
落車前問問個司機確認係咪到咗 富良野同 jr 站位置, 當然, 溝通上始終有問題. 行錯路, 嚮富良野民居走咗一個圈. 兜一輪, 終於搵到 富良野 JR 站.
富良野 icon?!
定到位, 就要搵今次北海道之行唯一一晚住嘅民宿, スミレ旅館 亦係住得最貴嘅一日. 還好, 好近 jr 站
間房, 其實都幾大, 而且有寬頻上網, 啱晒我
外面堆咗一大舊雪, 但又唔係凍喎
我住二樓, 樓梯旁有書睇
嚮網上睇到民宿有三隻貓, 有貓玩, 唔錯. 貓哥一號, 最 cool
貓哥二號, 佢有一個好獨特的飲水地方
係, 佢嚮度飲緊水, 我見佢幾次都係咁
貓哥三號, 最嗲
當然, 佢三個都比我非禮晒
擺好行李, 問埋幾點食晚餐, 正式出發去中富良野嘅 富田農場 . 不過, lunch 都未食, 醫咗肚先. 去咗附近的 福壽司 , 呢間壽司出名係大件
主角登場, 一件壽司嘅size 比一般的無大兩倍都有倍半
到底有幾大, 比個嘢參考吓. 我要分兩口先食得晒一件, 而且味道好好. 個湯唔係普通嘅麵豉湯, 而係用三文魚骨, 清甜, 讚!!!
食完行去 jr 站, shit, 要等成個鐘先有車去中富良野, 唯有週圍行啦. 車站小賣部
橫過路軌的天橋, 咁鬼靚, 裡面仲有電梯
上車, 車費 220 日元
月台放咗呢個公仔, 好似話係北海道的中心點
中富良野站
時間無多, 富田農場 d 舖淡季4,5點就收工, 急步行. 一望無際, 人影都無
行咗半個鐘, 有d 唔對路, 見到田裡有人收工, 走過去一問, shit, 完全行錯相反方向. 果兩位女士細心教我點行, 其中一個問我幾次 "walking?", 我都答係. 佢再問 "enjoy walking?" 我答 no. 咁佢就叫我上車, 車我去!!!! 出門遇貴人也.
到喇, 講咗好多句 "thank you" 就急步入 富田農場
入到去呢間舖, 已經清潔準備收工. 好彩仲買到個 薰衣草雪糕, 清淡, 好味
都知道4,5月唔係好季節去睇薰衣草, 所以睇到嘅都只係田一個, 完全無花可睇. 去番 富田農場 個官方網站, 就可以睇 7, 8 果時點靚法
好多薰衣草, 何解?
溫室也, 一年四季都有薰衣草你睇
阿姨在辛勞, 唔知係咪執種子
溫室外貌
農場一角
行咗陣, 都差唔多太陽落山, 返歸. 中富良野係一個無人車站, 亦無售票機, 點搞? 睇圖
\
大概係上咗車, 嚮司機旁拎張'上車飛' 出站先比錢
返到民宿, 洗過面, 開飯. 嘩, 一人份量, 仲有魚生, 好飽!
食完飯, 去咗對面間超市入定d 嘢飲. 間超市八點就收, 唔怪得之民宿個阿姨行得咁急.
富良野地圖
下一站 - 美瑛, 旭川